Wararka aanu ka haleyno Magaalo madaxda Gobolka Gedo ee Garbahaarey ayaa waxaa ay sheegayaa in maanta oo ay taariikhdu tahay April 29, 2008 loo fadhiyo magaalada Garbahaarey sidii loo dooran lahaa gudoomiyaha gobolka Gedo.
Warka wuxuu intaa uu ku darayaa in Degmada Luuq oo uu Afhayeenka baarlamaanka dowladda KMG ah Aden Madoobe qaab qoraal ah ugu diiday in ay ka qeyb gasho doorashada gudoomiyaha gobolka Gedo ee ka dhaceysa Garbahaarey hadda loo ogolaaday oo ay joogaan halka ay maanta doorashada ka dhaceyso oo ah caasimadda gobolka Gedo ee G/haarey.
Gudoomiyaha gobolka Gedo oo ay ku tartamayaan saddex musharax oo kala ah Aden Ibrahin Aw-Xirsi (Cirro), Xuseen Sh. Cabdi Iasmaaciil (Farey) iyo Jamaal Xasan Sarey ayaanan ilaa iyo hadda la ogeyn cidda ku guuleysan doonto jagada ay u tartamayaan oo ah guddoomiyaha gobolka Gedo.
Natiijada dhabta ah ee ku saabsan cidda ku guuleysan doonta gudoomiyaha gobolka Gedo ayaa waxaa la filayaa in ay soo bixi doonto saacadaha nagu soo fooleh ciddii ku guuleysato Gudoomiyaha Gobolka Gedo iyo wixii faafaahin dheere ah ee kasoo baxaa doorashada waxaan idin kugu soo godbin doonaa wararkeena dambe INSHA ALLAH.
