Doorshadii Gudoomiyaha Gobolka Gedo oo lasoo afjarey lana magaabey xubnihii ku guuleystey.
Waxaa lagu soo gabagabeeyey magaalada Garbahaarey oo ah xarunta gobolka Gedo doorashadii guddoomiyaha cusub ee maamulka gobolkaasi iyo ku-xigeenadiisa, taasoo ay soo qabanqaabisay wasaarada arimaha gudaha ee xukuumada federaalka Soomaaliya.
Doorashadan oo aheyd mid mudooyinkanba si weyn uga socotay qabanqaabadeeda magaalada Garbahaarey ayaa waxaa ka soo qeyb galay munaasabadii loo sameeyey xubno ka tirsan wasaarada arimaha gudaha ee xukuumada Soomaaliya, ururada Bulshada rayidka ah ee gobolkaasi, xubno ka socday hey’adaha Q/Midoobay oo ka howlgala gobolkaasi, xildhibaano ka tirsan baarlamanka federaalka oo ka soo jeeda gobolkaasi iyo marti sharaf kale.
Xuseen Sh. Cabdi Cismaan {farey}ayaa noqday guddoomiyaha cusub ee gobolka Gedo ka dib markii labadii xubnood ee la tartamayey uu cod aqlabiyad leh kaga guuleystay codeyntii ay bixiyeen 32- xubnood ee matalayey degmooyinka hoos taga gobolkaasi ayaa waxaa uu ka heley 19cod halka xubnihii kale ee la tartamayey ayka kala heleen Aden Ibrahin Awxirsi oo helay11cod Jamaal Xasan Sarey oo isna helay 2cod.
Waxaa la guda galey in la bilaabo codeyntii Gudoomiye ku xigeenada oo ay ku tartamayeen 5 xubnood kuwaas oo kala ahaa 1.Max'ed Cabdi Kaliil
2.Max'ed Xuseen Buraale{Joon Surxun}
3.Max'ed Axmed Cali {Sanka}
4.Cabdi Barre Cabdi
5.Cabdi Qatar
waxaana loo doortey xilka Gudoomiye ku xigeenka koowaad Max'ed Cabdi Kaliil wuxuunu ku heley 21cod halka Gudoomiye ku xigeenka labaad laga dhigey Max'ed Xuseen Burale {Joon Surxun}oo isna heley 26cod.
Markii ay doorashada dhacday ka dib gudoomiyihii hore ee gobolkaaso Gedo Aadan Ibrahin Aw-Xersi ayaa hadal ka jeediyey goobtaasi isagoo ugu hambalyeeyey guddoomiyaha cusub xilka loo doortay, wuxuuna balan qaaday inuu gacan ku siin doono shaqadiisa, iyadoo guddoomiyaha cusub oo isna halkaasi ka hadlay uu balan qaadyo u sameeyey dadweynaha gobolkaasi.
